Glóðarsteikt rauðspretta með sólblómafræi
Handa 4-5
Þið getið hvort sem er notað bakaraofninn (helst með glóðarrist) eða mínútugrill.
1 væn rauðspretta með haus og safi úr 1/2 sítrónu
salt/pipar
20 g briett smjör
40 g sólblómafræ
1 fyllt ólífa
1. Klippið uggana af rauðsprettunni og dýfið henni augnablik í sjóðandi vatn, skafið síðan roðið vel. Takið tálknin og augun úr hausnum. Þerrið fiskinn vel með eldhúspappír. 2. Stingið nokkur göt á fiskinn báðum megin með beittum, oddmjóum hnífi. Látið sítrónusafann renna inn í götin, stráið salti og pipar yfir fiskinn og reynið að láta það fara inn í götin. Látið hann bíða þannig í 10 – 15 mínútur.3. Leggið fiskinn í smurða bökunarskúffu, svarta roðið niður, og penslið hliðina, sem upp snýr, með bræddu smjöri. Glóðarsteikið þannig í 10 mínútur. Hvolfið síðan fiskinum á fatið sem hann verður borinn fram á (munið að það þarf að vera eldfast) 4. Setjið sólblómafræið saman við smjörið, sem eftir er, og penslið seinni hliðina með því. Glóðarsteikið í aðrar 10 mínútur. 5. Setjið hálfa sundurskorna ólífu í hvora augnatóft. Meðlæti: Soðnar kartöflur með klipptri steinselju, sítrónu- og tómatsneiðar eða bátar.
Rauðspretturúllur með tómötum og gúrkum
Handa 8
4 rauðsprettuflök, hvert skorið til helminga eftir endilöngu
salt/pipar
safi úr 1/2 sítrónu
l/2dlnysa
2 msk. sítrónusafi
8 frekar litlir tómatar
1 gúrka
20 g smjör
3 msk. sítrónusafi örlítið salt
1. Skerið uggana af rauðsprettunni. Dýfið henni augnablik í sjóðandi vatn og skafið roðið vel. Skerið hausinn af og flakið rauðsprettuna. Best er að skera niður með hryggnum og losa flökin þeim megin frá. 2. Hellið sítrónusafa yfir flökin að innanverðu, stráið á þau salti og pipar og látið bíða þannig í 10 – 15 mínútur. 3. Þvoið tómatana, skerið kross í þá að ofan. Vefjið hálft flak utan um hvern tómat.Smyrjið eldfasta skál og raðið flökunum með tómötunum í skálina. Hellið mysu og sítrónusafa yfir. 4. Setjið lok eða steikingarpappír yfir skálina og setjið í heitan bakaraofn, 200°C, bakið í 20 mínútur. 5. Skerið gúrkuna í 10 sm langa stafi, sjóðið þá í smjöri ásamt salti og sítrónusafa í 10 mínútur. 6. Raðið gúrkustöfunum kringum flökin, þegar þau eru borin fram.
Saltfiskur með lauk, hvítlauk, ólífum, kapers, eggjum og tómötum
Handa 5-6
1/2 kg beinlaus saltfiskur
3 stórar kartöflur
2 meðalstórir laukar
1 meðalstór hvítlaukur
2 msk. matarolía til að sjóða laukinn í
1 tsk. kapers
15 svartar ólífur
2 harðsoðin egg
3 meðalstórir tómatar eða hálfdós niðursoðnir tómatar
1/2 dl matarolía
l msk. dilledik
1 dl mysa
1. Leggið saltfiskinn í bleyti í kalt vatn í 24 klst. Sjóðið hann síðan í nýju saltlausu vatni í 10 mínútur. Takið roðið af og fjarlægið öll bein. 2. Hitið olíu á pönnu, saxið laukinn smátt og sjóðið í olíunni í 7 mínútur, gætið þess að hann brúnist ekki. Saxið hvítlaukinn og bætið honum út í um leið og þið takið þetta afhitanum. 3. Afhýðið kartöflurnar og skerið í þunnar sneiðar. Smyrjið eldfast fat og leggið sneiðarnar á botninn á því, setjið síðan fiskinn í smábitum yfir laukinn, kapersið, tómatana í bitum, eggin í sneiðum og heilar ólífurnar þar yfir. 4. Blandið saman 1/2 dl afmatarolíu, 1 msk. af dillediki og 1 dl afmysu og hellið yfir fiskinn. 5. Setjið í heitan bakaraofn, 180 – 200°C, (eða mínútugrill) og bakið í 15 – 20 mínútur. Meðlæti: Rúgbrauð og smjör.
Höfundur Kristín Gestsdóttir árið 1983
Flokkar:Uppskriftir