Sníkjudýralyfið ,, Fenbendazole” reynt gegn 4. stigs krabbameini
Hér eru endursagðir nokkrir punktar úr myndbandinu: ,, Fenbendazole in stage 4 cancar: separeating hope from evidence” eftir dr. John Campbell. Fyrirsögnin gæti verið á íslensku: Fenbendazól við krabbameini á stigi 4: aðgreining vonar og vísindalegra gagna.
Heilsuhringurinn tekur fram að ekki er verið að hvetja fólk til að tileinka sér þau ráð sem kynnt eru í myndbandinu. Aðeins að kynna hvað er að gerast í nágrannalöndum okkar.
Höfundurinn dr. John Campbell byrjar á spurningunni: Erum við að missa af lækningu við krabbameini? Svo segir hann frá sögu þriggja sjúklinga sem tóku inn fenbendazole gegn 4. stigs krabbameini. En fenbendazole er sníkjudýralyf notað sem ormalyf fyrir hunda í Bretlandi.
Fenbendazole er auðfengið, einkaleyfi þess er runnið út og Þess vegna er erfitt fyrir framleiðanda að græða mikið á því. Nú er það samheitalyf. Indversk lyfjafyritæki geta framleitt svona lyf í tonnum ef þau vilja og líka af góðum gæðum.
Myndbandið var gefið út í byrjun janúar 2026 og dr. Campebell byrjar að segja frá 83 ára gamalli konu með 4. stigs brjóstakrabbamein, frá því í október 2025. Krabbameinið breidddist út um líkama konunnar með meinvörpum. Hún greindist upphaflega með brjóstakrabbamein árið 2009 og það hafði þá verið meðhöndlað með brjóstnámi. Henni leið vel um tíma.
Sjúkdómurinn kom aftur árið 2021 og þá voru tekin lifrarvefjasýni og staðfest meinvörp í brjóstinu. Í október hafði það breiðast út í lifur hennar og bein. Segulómun af hryggnum leiddi í ljós að krabbameinið var komi í brjósthryggjarliði og mjaðmarbein. Þann 22 nóvember 2021 byrjaði hún upp á eigin spýtur að taka inn 200-222 milligramma dagskammt af fenbendazole.
Í desember 2021 fékk hún sprautu til að hindra estrógen sem átti að halda krabbameinsvexti niðri. Þannig að það var komið smá flækjustig af því að estrógenblokker myndu ekki lækna ástandið á undir venjulegum kringumstæðum.
PET-skönnun þann 29. desember 2021 sýndi sex lungnaskemmdir með ofvirkni í lungum, sú stærsta var 2.8 X1.5 cm og stærsta meinsemdin í beinum var 5 sinnum 2,9 cm að stærð. Sjúklingurinn hafnaði frekari hefðbundinni krabbameinslyfjameðferð og geislameðferð, hún var sett á líknarmeðferð.
Þó fékk hún í janúar 2022 markvissa geislameðferð vegna tveggja meinvarpa í hrygg. Mænuúrbrot eru hræðileg fyrirbæri, verkurinn getur verið ólýsanlegur. Geislameðferð hefur aðeins áhrif á svæðið sem geislanum er beint að. Þannig að það hafði hvorki áhif á lungu, lifur eða aðra hryggjarliði. En þessi æxli hurfu hratt sem geilsaðuð voru og verkjunum létti á nokkrum dögum. Það var mjög áhrifarík meðferð en hafði ekki læknandi áhrif á krabbameinið í öðrum hlutum líkamans.
Konan hélt áfram að taka inn 222 milligrömm af fenbendazole á dag í 8 mánuði. Á þeim tíma urðu lifrarensím hennar eðlileg. Æxlismerki sem kallast CA2729 lækkaði úr 316 í nóvember 2021 til júlí 2022, á sjö mánuðum) niður í 36,6. Í apríl 2022 staðfesti PET-skönnun að hjá henni væri engin óeðlileg efnaskiptavirkni sem benti til krabbameins. Nú hefur verið staðfest að sjúklingurinn hefur engin merki um virkan sjúkdóm. Öllum læknismeðferðum var hætt og hún talin vera í fullkomnu bataferli.
Dr. Campbell segist aldrei nokkurn tímann hafa séð svona dramatíkan viðsnúning og ekki heldur krabbameinslæknar sem hann hefur verið í sambandi við. Eftirfylgni meðferðarinnar var áætluð á þriggja til sex mánaða fresti. Ásamt fenbendazole meðferðinni, konan tók reglulega 5000 alþjóðaeiningar af D-vítamínuppbót og einnig fjölvítamín. Dr. Campbell telur að D-vítamín hafi verið mikilvægt vegna þess að það sé ónæmisstýrandi og nauðsynlegt fyrir eðlilega ónæmisstarfsemi. Síðari PET myndatökur þar sem skoðuð var efnaskiptavirkni sýndu ekket óeðlilegt. Meðferðartímabilið með fenbendazole leiddi ekki í ljós neinar aukaverkanir. Sjúklingurinn er laus við endurkomur og heldur áfram að taka fenbendazole næstu þrjú ár.
Joe Tippins (frásögn 2)
Dr. John Campbell tekur næst fyrir frétt sem kölluð Joe Tippins læknisfræðileg verklagsregla. Um leið ítrekar Campbell að þetta séu ekki læknisfræðileg ráð og hann sé bara að fræða fólk um hvað í fréttinni standi. Nánar hægt að skoða í myndbandinu: ,,Is Joe Tippens still cancer free?” sem má finna hér: https://www.youtube.com/watch?v=I0E3C0YCepQÍ
Í þessi Joe Tippins ráðleggur að taka inn eitt hylki af fenbendersole 3 daga í röð í viku en hvíla svo í 4 daga. Þar er líka nefnd CBD olía og kúrkumin dropar. Dr. Campbell segist telja best að taka fenbendersole inn með mat, helst feitum mat. Athyglisvert er að Joe Tippins var eini sjúklingurinn sem læknaðist af krabbameini af 1.100 þátttakendum í þessari klínísku rannsókn. Dr. Campbell nefnir að þótt tilfellið með Joe Tippens sé sannfærandi er það samt sem áður bara frásögn af atvikum. Það undirstrikar þörfina fyrir strangar klínískar rannsóknir til að staðfesta virkni og öryggi fenbendazole sem krabbameinslyfjameðferð.
Maður 75 ára gamall með blöðruhálskirtilskrabbamein (frásögn 3)
Beinmyndatökur og tölvusneiðmyndatökur sýndu meinvörp í hrygg, grindarbotni og hægri upphandlegg. Þetta er eitt af því hræðilega við krabbamein í blöðruhálskirtli. Það fer oft í beinin, veldur ólýsanlegum sársaukafullum og sjúklegum beinbrotum. Maður þessi fékk hefðbundnar meðferðir og þær ókeypis. Dr. Campbell segir hér vera töluvert af breytum en notkun fenbendazole fór saman við áframhaldandi minnkun meinvarpa og viðvarandi ómælanlegt PSA gildi, sem er nokkuð ótrúlegt. 
Eftir 26 mánaða viðvarandi minnkun og enga nýja framþróum sjúkdómsins er sjúklingurinn enn með nánast fullkomna svörun og heldur áfram að taka fenbendazole ásamt hefðbundinni krabbameinsmeðferð. Samkvæmt rannsóknaráætlun er lagt til inntaka fenbendazole í 3 daga og 4 daga hvíld. Þetta er í raun mjög mikilvægt, það er margt sem getur haft áhrif á það að taka lyf í smá tíma og hætta svo.
Maður 63 ára gamall með æxli í mjöðm (frásögn 4)
Hann var með illkynja sortuæxli í húð. Víða voru svæði með ofurefnaskiptum. Hnútur í kviðarholi og aftan við kviðarhol. Nýrun eru til dæmis aftan við hornhimnu. Hlutinn aftan við kviðarholið fyrir framan hrygginn. Upptökur í maga og smáþörmum. Ýmsir vöðvar og L5 hryggjarliður. Krabbameinið hafði breiðst út í maga hans, smáþarma, bein og vöðva. Hann fékk hefðbundna og ókeypis meðferð. Venjulega eru þær ekki eins gagnlegar. En nú hefur sjúklingurinn hefur verið laus við endurkomu vegna sortuæxlis í meira en 11 mánuði.
Allir þessir sjúklingar hafa greint frá því að fenbendazole fylgi engar aukaverkanir. Niðurstaða höfundar greinanna er að fenbendazole sýni fram á möguleika sem nýr og efnilegur meðferðarmöguleiki til endurnota í krabbameinslækningum. Hæfni þess til að stuðla að æxlisminnkun og ná fram sjúkdómslækkun réttlætir frekari klínískar rannsóknir til að ákvarða virkni þess og hámarka notkun þess.
Dr. John Campbell veit að fólk spyr; en hér er bara talað um nokkur tilfelli. Af hverju er ekki til stór slembirannsókn?
Hver veit af hverju það er ekki til slembirannsókn með samanburðarhópi, svarar John Campbell. En eftirtektarvert er í byrjun myndbandsins að einkaleyfið er útrunnið. Fólk getur ekki grætt verulega á því. En mjög háar fjárhæðir er hægt að græða á nýjum einkaleyfis vernduðum krabbameinsmeðferðum. Ekki er hægt að segja meira um það: ,,Ég er ekki að ráðleggja neinum að taka þetta inn, ég er eingöngu að koma þessu á framfæri til fróðleiks”.
Í famhaldi veltir Campbell fyrir sér hvers vegna fenbendazole sé ekki rannsakað betur og í því sambandi segir hann frá eftirfarandi:
James Lind uppgötvaði lækningu við skyrbjúg árið 1747
James Lind var skoskur skipslæknir sem þjónaði um borð í HMS Salisbury, fæddur 4. október 1716 dáinn 13. júli 1794. Hann var brautryðjandi í hreinlætismálum innan breska flotans. Með því að framkvæma eina af fyrstu klínísku rannsóknunum þróaði hann kenninguna um að sítrusávextir læknuðu skyrbjúg. Uppfinning hans leiddi til þróunar á vítmínum. Hins vegar var sítrónusafa ekki dreift til enskra sjómanna fyrr en 40 árum eftir útgáfu ritgerðar hans og fullt samþykkti fékkst. Campbell segir þetta vera ótrúlegt og miðað við þetta ættu virkar rannsóknir á fenbendazole ekki að verða lokið fyrr en um árið 2067. ,,Það er of seint fyrir mig og of seint fyrir mörg ykkar. Forvitnisbrestur hrjáir okkar læknisfræðilegu vísindamenn þeir komast að því að þessir hlutir þurfa frekari íhugun sem snúast um áhættugreiningu.
,,Ef þetta fenbendazole er ekki að skaða, hvers vegna ekki að prófa það? Sérstaklega dauðvona sjúklingar, ættu að fá frelsi til að prófa það“.
Dr. Campbell talar um tilviksrannsóknir sem séu viðurkenndar aðferðir í læknisfræði. Þegar um er að ræða mörg tilvik. Hann segist persónulega hafa fengið tölvupósta og athugasemdir frá vel yfir hundrað manns sem telja sig hafa notið góðs af fenbendazole og af öðrum sníkjudýralyfjum eins og ivermectin. Þegar reynsla svo margra er tekin saman er hægt að kalla það ,,prófanlega fullyrðingu“. Þá getur þessi prófanlega fullyrðing bent til að væri fenbendazole, kannski gefið þrjá daga í viku í 220 milligramma skammti, sé það áhrifaríkt til að snúa við krabbameini á 4. stigi. Þegar um er að ræða brjóstakrabbamein, blöðruhálskirtilskrabbamein eða hugsanlega sortuæxli.
Þaðan væri einfalt að gera slembirannsóknir með tvöföldum blindum samanburðarrannsóknum. Mjög einfalt mál. Að lokum segir dr. Campbell : ,, Láttu mig vita af hverju þú heldur að það sé ekki rannsakað“. Svo þakkar hann fólki fyrir að horfa.
Hver er dr. John Campbell?
Hann er enskur hjúkrunarfræðingur á eftirlaunum, staðgengill forstöðumanns miðstöðvar klínískrar endurhæfingar og æfingalækningar ,,Center for Clinical Rehabilitation and Exercise Medicine”. Hann er einnig aðstoðarformaður krabbameinsrannsókna hjá Bath (CR@B) og hann kenndi áður sögu læknavísindanna og rannsóknir ásamt því að kenna hreinsandi skurðaðgerðir. Dr. John Campbell heldur úti heimasíðu þar sem hann hefur undanfarin ár skoðað ýmsar læknisrannsóknir og útskýrt þær. https://www.youtube.com/@Campbellteaching
Hér hafa verið eru endursagðir nokkrir punktar úr myndbandinu: ,, Fenbendazole in stage 4 cancar: separeating hope from evidence” eftir dr. John Campbell: https://youtu.be/42pNm4AEnt0?si=1ueKCWhgmhjIBYIZ
Ingibjörg Sigfúsdóttir færði í letur í janúar 2026
Áður birt í Heilsuhringnum:
Þann 2. desember 2024 birtum við umfjöllun dr. Johns Campbell um áhrif sníkjudýralyfsins ivermectin á krabbamein. https://heilsuhringurinn.is/2024/12/02/ivermektin-arngursrikt-krabbameinslyf-framleitt-ur-snykjudyralyfjum-aukaverkana-litid-og-virkar-vel-gegn-veikindum-af-voldum-covid-19/
Þann 6. janúar 2026 var fjallað um veirueyðandi áhrif ivermectins. https://heilsuhringurinn.is/2026/01/06/nyjar-jakvaedar-visbendingar-um-veirueydandi-ahrif-ivermectins/
Categories: Greinar, Reynslusögur