Ætihvönn

Ætihvönn: Angelica archangelica. Útbreiðsla og kjörlendi: Vex í gróðurmiklum hvömmum, í klettum á vatnsbökkum og við læki og ár. Fremur algeng um allt land. Nýttir plöntuhlutar: Öll plantan. Söfnun: Rótum skal safna að hausti á fyrsta ári jurtarinnar. Blöðunum er safnað á sumrin og fræjunum þegar þau eru full þroskuð. Virk efni: Ilmolíur sem innihalda m.a. pellandrin, og prínín. Olíur fræjanna innihalda að auki metýletýlasetýlsýrur og hýdroxýmýristínsýrur. Öll jurtin inniheldur angelínkvoðunga, angelínsýrur, kúmarínefni, bitur efni og barksýrur. Áhrif: Styrkjandi og vermandi fyrir meltingarfærin. þvagdrífandi, verk og vindeyðandi, linar krampa, örvar meltingu, eyðir spennu og losar slím. Notkun: Ætihvönnin er einkar góð fyrir fólk sem er að ná sér eftir erfið veikindi og hefur lélega matarlyst, erfiðar hægðir o.s frv. Ætihvönnin er notuð gegn meltingartruflunum, s.s. krampa og vindi í meltingarfærum, og kvillum í lifur.Jurtin er mjög góð til að losa slím úr öndunarfærum, þannig að hana má nota við berknakvefi (bronchitis) og brjósthimnubólgu. Ætihvönnin er oft notuð við asma og öðrum lungnakvillum barna. Fræin er talin vera góð gegn krabbameini. Skammtar: Urtaveig: 1:5, 45% vínandi, 2-3 ml þrisvar á dag. Te af blöðum seyði af rót og fræjum:1:10, 25-50 ml þrisvar á dag eða 1/2tsk: 1 bolli af vatni,drukkið þrisvar á dag. Varúð! Ætihvönnin hefur tíðarlosandi verkun, og því ættu ófrískar konur ekki að nota jurtina, sérstaklega ekki á fyrstu mánuðum meðgöngu. Börn þurfa minni skammta.

Heimild:Íslenskar lækningajurtir. Arnbjörg L. Jóhannsdóttir. Birt með leifi höfundar. S O.



Flokkar:Jurtir

Skildu eftir svar

%d bloggers like this: