Hefðbundin eða óhefðbundin meðferð

Væri ekki sjálfsagt að setja upp þann kost að fólk gæti valið sér á einhvern hátt hvernig meðferð það fengi þegar það leggst inn á sjúkrahús?

Venjulega einset ég mér að hafa stutta pistla en nú ætla ég að skrifa langan. Í dag hef ég  yfirunnið krabbameinið og fyrir mína parta þá er ég samfærð um að ég væri ekki í svona góðri stöðu í dag ef ég hefði haldið áfram á þeim lyfjum sem ég átti að taka í eftirmeðferð. Ég velti meira segja fyrir mér hvort ég væri á lífi.JTilefnið er að komin eru rúm fimm ár frá því að ég lauk minni hefðbundnu lyfjameðferð eftir að hafa greinst með brjóstakrabbamein. Í reyndinni átti ég að vera á andhormóna meðferð (sem er kostnaðarsöm) alveg fram á þetta ár.

En þegar ég var búin að prufa lyfin í nokkra mánuði með tilheyrandi aukaverkunum þar sem ég var undirlögð af skelfilegum liðverkjum, streitu, vanlíðan og upplifði mig eldast um fjölda ára tók ég þá ákvörðun að stoppa inntökuna. Ákvörðunin var tekin ekki hvað síst vegna þess að ég mat það þannig að vegna streitu og vanlíðunar væri ég í meiri hættu að fá krabbamein. Ég notaði jurtirnar mínar, valdi matinn sem ég borðaði og hreyfði mig eitthvað á hverjum degi, ásamt því að dreifa huganum við uppbyggilega hluti og horfa á það jákvæða sem oftast tókst með aðstoð þeirra frábæru vina sem ég á og hafa stutt mig í blíðu og stríðu.  Kærar þakkir til ykkar allra.

Þá kemur hér langi pistillinn

Mikil umfjöllun og mjög óvægin hefur verið í gangi í fjölmiðlum um óhefðbundnar- viðbótar meðferðir í lækningaskini. Umfjöllun þessi hefur verið að mínu mati mjög ófagleg og hefur einkennst af reiði og þekkingarleysi sérstaklega frá fréttamönnum (t.d. að kalla  Ævar Jóhannesson, níðing). Þetta virðist oft og tíðum hafa þann eina tilgang að brjóta niður allt varðandi lækningar nema þær sem eru veittar í gegnum heilbrigðiskerfi landsmanna. En jafnvel margar þær lækningar og gífurleg notkun ýmsa lyfja eru líka að fá mjög slæma útreið að vísu á hljóðlátari hátt aðallega hér á ,,facbook“ síðum og með litlu letri á síðum fréttablaða. En í ljós er að koma að aukaverkun lyfja og afleiðingar ýmissa aðgerðar í heilbrigðiskerfinu hafa oft alvarlegar afleiðingar á heilsu einstaklinga.

Við hér á Íslandi erum líklega töluvert á eftir mörgum þjóðum í að taka þessa umræðu af festu og skynsemi, spyrja spurninga og leita eftir því sem eykur heilbrigði. Stefna hefur verið mótuð í heilbrigðismálum þjóðarinnar hvað varðar „hefðbundnar“ lækningar en hvað varðar „óhefðbundnar“ eða viðbótar lækningar eru hér á landi í dálítilli auðn, sem er slæmt mál því í auðninni er líka hætta á að eitthvað þrífist sem ekki á að þrífast.

Núna síðustu daga hef ég verið að skoða ýmsar rannsóknir á hefðbundnum meðferðum og í framhaldi af því virkilega verið að velta fyrir mér hvar læknisfræðin er stödd.

Sumir læknar hafa látið í sér heyra fullir af vandlætingu yfir óhefðbundnum lækningum þannig að fólk sem notar holt matarræði og óhefðbundnar meðferðir lítur á sig sem annars flokks þjóðfélagsþegna.

Aðrir læknar hafa stigið fram og tjáð sig um að læknisfræðin hafi á sumum stöðum verið á mjög alvarlegum villigötum og alls ekki verið að gefa fólki réttar leiðbeiningar.

Nokkrir læknar hafa leiðrétt meðferðir samkvæmt nýjustu vitneskju eins og hjartalæknirinn Dr. Dwight Lundell(Heart surgeon speaks out on what really causes heart disease). Þar tjáir hann sig um orsakir hjartasjúkdóma, jafnframt því sem hann segir að  læknar eigi oft erfitt með að játa að þeir hafi rangt fyrir sér. Í grein sinni bendir hann á hvernig læknar settu fólk á kólesteról lækkandi lyf og sögðu þeim að stórminnka fitu en þessar ráðleggingar hafa síðan orsakað fjölda sjúkdóma.

Þegar ég skoðaði ýmsar rannsóknir um statín lyf (kólesteról lækkandi)þá er talað um léttvæg áhrif á heilsu miðað við allt það tjón sem það veldur. Aukaverkanir sem nefndar eru, eru t.d. aukin tíðni krabbameins, sykursýki, verkir frá stoðkerfi, vitræn skerðing og þunglyndi þar sem minnkað kólesteról í frumuhimnu fækkar fjölda á serotonin móttökum. Einnig eru aukin banvæn hjartaáföll, vöðvaskemmdir, taugaskemmdir, lifrarskemmdir og lyfið eyðir einnig úr líkamanum nauðsynlegum næringarefnum eins og kóensími  og selen. Það má segja að þetta sé kaldhæðni þegar ætlunin er með inntöku þeirra að lengja líf og  vernda hjartað.

Í skoðun minni fann ég líka áhugaverðar rannsóknir þar sem bent var á að ráðleggingar um kalk inntöku í pilluformi væri ekki skynsamleg þegar úrkölkun er í beinum, eða til að nota á fyrirbyggjandi hátt. Það geti einfaldlega haft slæmar afleiðingar og aukaverkanir svo sem  skemmd í heila og orsakað hjartaáföll. Við eigum að fá kalkið úr fæðunni. Beinin okkar eru lifandi vefur sem þarfnast, C-vítamín, amínósýrur, magnesíum, kísil, D- vítamín og K-vítamín ásamt hreyfingu reglulega. Kalk sem er ekki í réttu magni á réttum stað getur þannig valdið alvarlegum heilsubresti. http://www.greenmedinfo.com/blog/taking-calcium-supplements-causes-brain-lesions

Annað sem ég vil nefna hér er að hefðbundnar lækningar hafa reynt að stjórna og draga úr líkamshita í veikindum. Mikið hefur t.d. verið notað af parasetamóli. Parasetamólið er líka að skaða líkamann þar sem hiti er náttúruleg leið líkamans til að vinna bug á til dæmis bakteríu- og veiru sýkingum og með því að gefa hitalækkandi lyf er verið að veikja ónæmiskerfið. Ofnotkun á hitalækkandi lyfjum hjá börnum getur þannig haft varanlegar afleiðingar á framtíðarheilsu þeirra. Þarna er hægt að nota óhefðbundna aðferð sem er kæling og vökvaneysla og notkun jurtates til að draga úr of háum hita.

Í desember 2014 birtist mjög góð grein á vef Heilsufrelsis, þar sem útskýrt er eituráhrif lyfja á hvatbera sem gott er að lesa. http://heilsufrelsi.is/eitrunarahrif-lyfja-a-hvatbera-frumna-okkar/

Með því að  vera vakandi fyrir öllum þeim mat-, snyrti- og hreinlætis vörum sem við notum, gæta að umhverfisþáttum, ásamt því að rækta líkama okkar og sál er ég samfærð um við getum stuðlað að  auknu heilbrigði og miklum sparnaði í ríkisrekstri.

Draumur minn er að hefðbundnar og óhefðbundnar aðferðir í lækningum vinni saman og að öll vitneskja í sambandi við lækningar sem kemur fram sé veitt í þeim tilgangi að stuðla að sem mestu og bestu heilbrigði hverju sinni. Því mundi ég leggja það til að í byggingu nýs Landspítala verði deild þar sem notkun gagnreynda óhefðbundinna lækninga eigi sitt pláss.

Höfundur: Gyða Ölvisdóttir, lýðheilsu- og geðhjúkrunarfræðingur.



Flokkar:Kjörlækningar, Meðferðir

Skildu eftir svar

%d bloggers like this: