Mér finnst það í raun ótrúlega heimskulegt að bólusetja fyrir sjúkdómum eins og Mislingum. Þar með á ég á engan hátt við, að við eigum ekki að bregðast við Mislingasjúkdómnum. Þvert á móti eigum við að gera allt í okkar valdi til að hjálpa þeim sem eru með sjúkdóminn til að sigrast á honum. Þar má nefna vísindalega rannsókn á mikilvægi A-Vítamíns til að gera sjúkdóminn mun viðráðanlegri fyrir sjúklinginn. Einhverra hluta vegna er ekkert talað um þessa vísindalegu staðreynd. Hér má sjá eina slíka rannsókn: ,,A Randomized, Controlled Trial of Vitamin A in Children with Severe Measles“. https://www.nejm.org/doi/full/10.1056/NEJM199007193230304
Önnur vísindaleg staðreynd er að stórir skammtar af C-Vítamíni virka almennt vel gegn þekktum vírus sýkingum. Ekki er heldur talað um þá staðreynd. Eina af þeim rannsóknum má lesa hér: ,,Vitamin C Is an Essential Factor on the Anti-viral Immune Responses through the Production of Interferon-α/β at the Initial Stage of Influenza A Virus (H3N2) Infection“. https://www.ncbi.nlm.nih.gov/pmc/articles/PMC3659258/
Mín heilbrigða skynsemi segir mér að bólusetningar til lengri tíma munu hægt og rólega eyðileggja áunna náttúrulega vörn mannkynsins gegn þeim sjúkdómum sem bólusett er fyrir og finnst mér því við sýna ótrúlega mikla sjálfselsku í því að bólusetja börnin okkar og um leið að stofna afkomendum þeirra í aukna hættu vegna þessara sjúkdóma. Í mínum huga er besta leiðin fyrir mannkynið að sigrast á sjúkdómunum einföld og það er að fá leyfi til að eiga við sjúkdóminn á náttúrulegan máta. Mér finnst að við eigum öll rétt á að fá hefðbundnu barnasjúkdómana og eigum að stefna að því að við fáum þá á því aldursskeiði sem við ráðum best við þá, að því gefnu að almennt heilbrigði einstaklingsins sé gott. Þá eigum við að vinna að því að fræða foreldra um þessa sjúkdóma og hvernig best sé að sigrast á þeim, en góð slík fræðsla er ekki sýnileg nema leitað sé eftir henni.
Á hinn bóginn vantar ekki hræðsluáróður frá öllum miðlum og heilbrigðisstéttum sem setur okkur í hlutverk fórnarlambsins, slær vopnin úr höndum okkar og vekur sundrungu meðal almennings. Mér finnst að við eigum að hverfa til náttúrulegra aðferða og byrja á að fækka bólusetningum fyrir sjúkdómum sem við eigum að ráða vel við í heilbrigðum líkama, vel nærð og vel upplýst.
Höfundur: Magnús Orri Grímsson.
Flokkar:Fjölskylda og börn, Greinar