Mig langar til að segja ykkur frá þessari stórkostlegu tækni, sem ég lærði og útskrifaðist í fyrir um 10 árum síðan. Lífið tók stóra U beigju þegar ég var kynnt fyrir Garðari Jónssyni transmiðli og sjáanda, en það var hann sem gerði mér kleift að læra þessa tækni. Orku Punkta Jöfnun var eitthvað sem hann gerði við alla sem í kringum hann voru, vegna þess að hann sá þörfina fyrir það með berum augum.
OPJ er ótrúlega beinskeitt og árangursrík tækni þar sem árangur kemur strax eða í það minnsta mjög fljótlega í ljós. OPJ byggir á tækni sem Garðar hefur þróað og undirbúið til kennslu, vegna þrýstings leiðbeinenda hans að koma þessu í form og á blað til að geta komið þessu til skila fyrir aðra til að læra.
Tæknin byggir á andlegum orkupunktum líkamans sem eru 343 talsins. Flestir hafa heyrt talað um áruna eða orkublikið sem umlykur líkamann. Áran er í raun endurvarp frá þessum orkupuntum sem eru dreifðir um allan líkamann og hafa hver um sig sína litaflóru sem síðan mynda litina í árunni. Orka er hlutlaust afl sem að við/þú gefum tilgang.
Sjúklingur/þyggjandi getur setið á stól, legið á bekk eða jafnel staðið á meðan OPJ er gert, fólk er í sínum fötum á meðan meðferð er unnin. OPJ byggist á því að virkja orkuna með því að koma af stað eðlilegu flæði á milli orkupunktana sem líkaminn er þakinn af, orkupunktar eru tengdir saman í svokölluðum klösum, hver klasi samanstendur af 7 – 49 punktum. Þetta er gert með léttum þrýsting á aðalorkupunkt og orkupunt til að koma á flæði, eða til að jafna flæði.
Til að útskýra þetta betur er gott að nefna vöðvabólgu sem flestir eru að berjast við. Sjaldan er orsökin bara vöðvabólga, það þarf að finna af hverju hún kom. Finna sökudólginn. Sumir fá vöðvabólgu vegna rangrar setu við tölvur, aðrir vegna þess að þeir sofa við allt of háan kodda. Það er áunnin vöðvabólga. Svo er fólk sem þjáist af vöðvabólgu vegna streitu, eða það hefur lent í áfalli. Eins verkur, sams konar vöðvabólga en ekki sami grunnur. Þarna getur OPJ komið svo frábærlega inn ef unnið er með réttu punktana til að uppræta vandamálið. Hjá sumum virðist vöðvabólga hverfa um tíma og stundum alveg eftir OPJ meðferð
Svipað má segja um ótal önnur vandamál, t.d.: ofnæmi, ofvirkni, átröskun, andlega líðan, þunglyndi, geðröskun, meltingarvandamál, niðurbrot fæðu og ofnæmi. Einnig virkar OPJ tæknin mjög vel á stoðkerfi líkamans og bólgnir vefir eða laskaði liðir virðast jafna sig ótrúlega hratt.
OPJ hefur hjálpað mér mikið, og þá einna helst við kvíða og þunglindi, ég get eiginlega sagt að þunglindið sé ekki til staðar lengur.
Guðný Þórey Stefnisdóttir reiki, græðari og orkupunktajafnari á Heilsumiðstöð Reykjavíkur
Slóðin er: https://www.facebook.com/Ballancegr%C3%A6%C3%B0ari-hj%C3%A1-Gu%C3%B0n%C3%BD-735520546526659/timeline/
Flokkar:Greinar og viðtöl