Greinin er endurskrifuð og þýdd uppúr grein Anthony Wayne og Lawrence Newell

Er það mögulegt að milljónir manna séu að fórna heilsu sinni í skiptum fyrir þægindin af örbylgjuofnum? Af hverju bönnuðu Rússar notkun þeirra árið 1976? Svörin við þessum spurningum gætu fengið ykkur til að henda örbylgjuofnum ykkar í ruslið.

Yfir 90% af bandarískum heimilum eru með örbylgjuofna. Það eru fá heimili eða veitingahús án þeirra vegna þess hversu þægilegir og sparsamir á orku þeir eru. Almennt trúir fólk því að það sem örbylgjuofnar gera við matinn sem er eldaður í honum skaði hvorki matinn né það sjálft. Því að sjálfsögðu myndu stjórnvöld banna notkun þeirra ef þeir væru hættulegir, er það ekki? Þrátt fyrir það sem hefur opinberlega verið gefið út um örbylgjuofna höfum við hent okkar ofnum í ruslið vegna þeirra staðreynda sem koma fram í þessari grein. Tilgangurinn með þessari skýrslu er að sýna fram á sannanir þess efnis að matur eldaður í örbylgjuofnum er ekki náttúrulegur, né hollur og er hættulegri mannslíkamanum en nokkurn grunar.

Framleiðendur, stjórnvöld og móðir náttúra eru hins vegar mjög dugleg að fela staðreyndir og sönnunargögn þess efnis. Þess vegna heldur fólk áfram að örbylgja matinn sinn, alsælt í sinni vanþekkingu, án þess að gera sér grein fyrir áhrifum og hættum sem eru því samfara.

Hvernig virka örbylgjuofnar?
Örbylgjur eru rafsegulfræðileg orka, svipað ljósbylgjum eða útvarpsbylgjum og nýta hluta af rafsegulsviði orkunnar. Á nútíma tækniöld okkar eru örbylgjur notaðar til þess að koma símtölum, sjónvarpsútsendingum og tölvuupplýsingum á milli staða á jörðinni eða gegnum gervihnetti. En við þekkjum þær best sem orku til þess að hita matinn okkar í. Í hverjum örbylgjuofni er magnetróna, rör sem inniheldur rafeindir sem rafsegull og rafmagn er notað til þess að ná fram geislun í stuttri bylgjulengd u.þ.b. 2450 Mega Hertz (MHz) eða 2.45 Giga Hertz (GHz). Þessi örbylgjugeislun hefur áhrif á sameindirnar í matnum.

Allar orkubylgjur skipta um póla frá jákvæðum til neikvæðra með hverri hringrás sem þær fara. Í örbylgjum gerist það mörgum milljón sinnum á hverri sekúndu. Sameindir fæðunnar, sérstaklega vatns, hafa jákvæðan og neikvæðan pól á sama hátt og segull hefur norður og suður pól.Venjulegir örbylgjuofnar taka inn u.þ.b. 1000 vött af ryðstraumi. Þegar þessar bylgjur skella á fæðunni valda þær því að pólarnir í sameindunum fara að hringsnúast á sama milljónahraðanum á sekúndu. Öll þessi hreyfing veldur núningi sem hitar upp fæðuna. Þessi óvenjulega aðferð við að hita upp mat veldur töluverðum skemmdum á sameindunum, rífur þær í sundur eða afskræmir þær. Í samanburði eru örbylgjur frá sólinni byggðar á lögmálum um beina strauma (DC) sem slá þannig, að þær valda ekki þessum núningshita; örbylgjuofnar nota ryðstrauma (AC) sem valda núningshita.

Okkur hefur verið sagt að örbylgjuofnar geisli ekki matinn eins og geislun gerir (eins og þegar fæða er geisluð til þess að drepa allar bakteríur í henni, innsk. þýð.) Þessar tvær aðferðir eru sagðar nota gjörólíkar bylgjur og í mismunandi styrkleikum.
Engar rannsóknir frá opinberum stofnunum eða fæðu- og lyfjaeftirliti Bandaríkjanna hafa staðfest hættuna sem fólgin er í örbylgjuofnanotkun en við vitum öll að gildi rannsókna geta verið takmörkuð, stundum viljandi gert. Margar þessara rannsókna eru síðar sannaðar sem ónákvæmar. Sem neytendur eigum við að hafa örlítið af heilbrigðri skynsemi sem við notum til að dæma slík mál.

Tökum sem dæmi egg og þá staðreynd að „sannað“ var á sjöunda áratugnum að þau væru okkur mjög óholl. Það varð til þess að það urðu til gervi eggjavörur sem gerðu framleiðendur þeirra mjög ríka en setti eggjabændur á hausinn. Núna sýna nýlegar opinberar rannsóknir að egg eru okkur ekki óholl eftir allt saman. Hverjum eigum við þá að trúa og hvaða mælikvarða eigum við að fara eftir til þess að taka ákvarðanir varðandi okkar eigin heilsu?

Eðlisávísun móður rétt
Ef við sláum á létta strengi þá er mjög erfitt að mótmæla þegar sjötta skilningarvit mæðra á í hlut. Hefur þú reynt það? Mörg okkar eru af þeirri kynslóð þar sem mæður okkar og ömmur hafa vantreyst þessari nýju tækni að elda matinn innan frá og út og sögðu að þessi aðferð væri ekki góð fyrir flestar fæðutegundir. Móðir mín neitaði að reyna að baka í örbylgjuofni. Henni fannst líka vont bragð af kaffi sem var hitað í einum slíkum. Ég verð að játa að ég er henni sammála í báðum tilvikum. Hennar eðlisávísun sagði henni að þetta væri engan vegin náttúruleg aðferð til að elda og gæti ekki látið matinn bragðast eins og hann á að gera.
Margir hafa sömu skoðun en eru taldir gamaldags minnihlutahópur.

Með trega fór samt móðir mín að hita afganga í öbylgjuofni vegna vinnutíma hennar áður en hún hætti að vinna. Eins og flest ungmenni þess tíma sem örbylgjuofnar urðu hversdagslegir ákvað ég að hlusta ekki á eðlislæga visku móður minnar og slóst í hóp meirihlutans sem trúðu að örbylgjuofnar væru allt of þægilegir til þess að nokkuð gæti verið að þeim. Eitt-núll fyrir mömmu. Þó hún hafi ekkert vitað um vísindalegar, tæknilegar eða heilsufarslegar ástæður þess að örbylgjuofnar væru hættulegir þá vissi hún bara að þetta gæti ekki verið hollt vegna þess hvernig maturinn bragðaðist og einnig vegna þess hvernig áferð fæðunnar breyttist við eldun í þessum ofnum.

Örbylgjuofnar hættulegir hitun mjólkur fyrir ungabörn
Margar aðvaranir hafa verið gerðar opinberlega en fáir hafa tekið eftir þeim. Til dæmis gaf deild frá háskólanum í Minnesota út svohljóðandi skýrslu:
„Þó að örbylgjuofnar hiti fæðu á fljótlegan hátt er ekki mælt með því að hita í þeim pela ungbarna. Pelinn getur verið kaldur að utan en vökvinn í honum getur verið sjóðandi heitur og brennt munn og háls barna illilega. Eins ef vökvi er hitaður í lokuðu íláti gæti þrýstingurinn sprengt það. Hitun pelans í örbylgjuofni getur líka breytt mjólkinni og valdið því að það tapist vítamín úr henni. Hitun brjóstamjólkur í örbylgjuofni getur eyðilagt í henni þá verndandi eiginleika sem hún hefur. Að hita pelann í heitu vatni úr krananum tekur kannski aðeins lengri tíma en er miklu öruggara. Svo ber alltaf að prófa hitann á innihaldinu með því að hella smá á úlnliðinn á sér.

Örbylgjað blóð drepur sjúkling
Árið 1991 voru málaferli í gangi í Oklahoma vegna notkunar á örbylgjuofni við að hita blóð sem nota átti vegna blóðgjafar. Kona að nafni Norma Levitt dó vegna einfaldrar blóðgjafar þar sem hjúkrunarkonan hafði hitað blóðið í örbylgjuofni. Þessi harmleikur gerir það augljóst að það er miklu meira en „hitun“ sem á sér stað í örbylgjuofni. Blóð sem notað er í blóðgjafir er venjulega hitað en ekki í örbylgjuofnum. Í tilfelli frú Levitt breytti örbylgjuofninn blóðinu og það olli dauða hennar. Það er augljóst að örbylgjur breyta eiginleikum þess sem er hitað með þeim og þá er fólk sem hitar sér mat með þeim að neyta einhvers sem er líkamanum óþekkt.

Vegna þess að líkaminn er rafefnafræðilegur í eðli sínu mun allt það sem raskar rafefnaboðum hans hafa áhrif á lífeðlisfræðilega uppbyggingu hans. Þessu er nánar lýst í bók Roberts O. Becker sem heitir ,,The Body Electric“ og bók Ellen Sugarman sem heitir ,,Warning, the Electricity Around You May Be Hazardous to Your Health“.

Vísindalegar sannanir og staðreyndir.
Í samanburðarrannsókn á matvælum elduðum á venjulegan hátt og í örbylgjuofni sem var gefin út af Raum & Zelt árið 1992 segir: „Í grunntilgátu náttúrulækninga er tilgreint að allar sameindir og allir orkugjafar sem líkaminn þekkir ekki eru mikið líklegri til að skaða hann en að gera honum gott. Matur úr örbylgjuofni inniheldur bæði sameindir og orku sem er ekki til staðar í mat sem er eldaður eins og maðurinn hefur gert síðan eldurinn var uppgötvaður. Vegna þess hvernig hitunin á sér stað í örbylguofnum er óhjákvæmilegt að úr verði ónáttúrulegar breytingar á sameindum fæðunnar. Náttúrulegar amínósýrur hafa sést formbreytast og líka umbreytast í eiturefni vegna áhrifa örbylgja.

Ein skammtíma rannsókn sýndi marktækar og alvarlegar breytingar á blóði einstaklinga sem borðuðu mjólk og grænmeti hitað í örbylgjuofni. Átta sjálfboðaliðar borðuðu mismunandi samsetningu sömu fæðu, eldaða á mismunandi hátt. Allur matur sem fór í örbylgjuofna olli breytingum á blóði sjálfboðaliðanna. Blóðrauði minnkaði, hvítum blóðkornum fjölgaði og kólesteról hækkaði. Eitilfrumum fækkaði. Sjálflýsandi bakteríur voru notaðar til þess að greina orkubreytingar í blóðinu. Það kom í ljós að geislun þessara baktería jókst eftir neyslu matar úr örbylgjuofni.

Klínísk rannsókn frá Sviss.
Hans Ulrich Hertel, læknir á eftirlaunaaldri, vann sem matvælavísindamaður í mörg ár hjá einum aðal fæðuframleiðanda í Sviss, sem á viðskipti út um allan heim. Fyrir nokkrum árum var hann rekinn frá fyrirtækinu vegna þess að hann lýsti efasemdum yfir ákveðnum vinnsluaðferðum fyrirtækisins sem eyðilagði náttúrulega eiginleika fæðunnar. Árið 1991 gáfu hann og annar prófessor frá Háskólanum í Lausanne út rannsóknarskýrslu sem benti á að matur eldaður í örbylgjuofni gæti mikið frekar skaðað heilsu manna en matur eldaður á venjulegan máta. Hertel var fyrsti vísindamaðurinn sem gerði klíníska rannsókn á því hvaða áhrif örbylgjaður matur hefði á blóð og lífeðlisfræði líkamans.

„Hvítkornafjölgun sem ekki er hægt að útskýra með einhverjum hætti er alltaf tekin alvarlega. Hún er oft merki um sýkingar í líkamanum, eins og t.d. eitranir og frumuskemmdir. Það virðist sem hvítkornafjölgun hafi eingöngu orðið vart eftir að sjálfboðaliðarnir borðuðu örbylgjumat. Úrvinnslan úr þessari rannsókn var byggð á efnislegum lögmálum og hafði verið staðfest áður. Auka geislunin sem sjálflýsandi bakteríurnar sýndu var aðeins aukastaðfesting.
Það eru til fjöldinn allur af vísindalegum ritum varðandi hættuleg áhrif örbylgna á lífverur. Það er því furðulegt að uppgötva hversu lítil áhersla hefur verið á að finna upp náttúrulegri aðferð við að hita matinn.

Yfirvöld í Sviss brugðust við með að setja bann á Dr. Hertel að upplýsa almenning um hættur þær sem örbylgjuofnar hafa á heilsu manna, en dómstólar dæmdu honum í hag vegna réttar til tjáningarfrelsis og honum dæmdar bætur í ofanálag. (Tvær aðrar rannsóknir voru gerðar, ein í Rússlandi og önnur í Þýskalandi og er sagt frá þeim niðurstöðum í þessari grein líka en mér finnst of langt mál að hafa það með en bæti hér við lokaorðunum. Þið getið nálgast þessa grein á www.mercola.com . Innsk. þýðanda).

10 ástæður fyrir að henda örbylgjuofninum:

• 1. Að borða sífellt mat hitaðan í örbylgjuofni veldur langtíma- varanlegum heilaskemmdum vegna áhrifa á rafstrauma í heilanum (umpólun eða afseglun á vefjum heilans).
• 2. Mannslíkaminn getur ekki efnaskipt (brotið niður) þessi óþekktu aukaefni sem verða til við örbylgjuhitun.
• 3. Framleiðsla á karl-og kvenhormónum minnkar og/eða breytist við langtíma neyslu á örbylgjuðum mat.
• 4. Áhrif óþekktra aukaefna sem hafna í líkamanum eru varanleg.
• 5. Vítamín, steinefni og önnur næringarefni í matvælum minnka eða breytast við örbylgjur, þannig að líkaminn græðir ekkert á fæðunni.
• 6. Steinefni í grænmeti breytist í krabbameinsvaldandi sindurefni í örbylgjuofni.
• 7. Örbylgjaður matur veldur krabbameinsvexti í maga og þörmum. Þetta gæti skýrt ört fjölgandi ristilkrabbameinstilfella í Bandaríkjunum.
• 8. Langtíma neysla matar úr örbylgjuofnum veldur fjölgun krabbameinsfruma í blóði.
• 9. Stöðug neysla matar úr örbylgjuofnum veldur röskun á ónæmiskerfi manna í gegnum eitla-og blóðvökvabreytingar.
• 10. Neysla matar úr örbylgjuofnum getur valdið minnisleysi, einbeitingarskorti, tilfinningaóróa og greindarskorti.

Ertu búinn að henda örbylgjuofninum núna?
Eftir að þú hendir honum geturðu notað það sem kallað er toaster oven á ensku í staðinn. Hann virkar vel fyrir flestan mat og er næstum því jafnfljótur.

Lokaorð
Ég hef persónulega ekki notað örbylgjuofn í um það bil fimm ár og sakna hans ekkert. Ég notaði hann reyndar bara til að poppa í. Núorðið nota ég Orville poppbaunir og poppa uppá gamla mátann og finnst það fínt, sérstaklega með smjöri út á! Það kemur fram í óþýdda kaflanum að áhrif geislunar úr örbylgjuofnum fer ekki bara í matinn inní honum heldur líka í 500 metra radíus í kringum hann. Þar er komin önnur hætta og það voru Rússar sem uppgötvuðu hana og bönnuðu þess vegna með lögum notkun örbylgjuofna í Rússlandi árið 1976. Þetta er nánar útskýrt í kaflanum sem ég þýddi ekki.

Þessi grein er þýðdd og örlítið stytt af Stefaníu Örnna Marínósdóttur upp úr einni af topp 10 greinum sem birtust árið 2010 á vefsíðu Dr. Mercola skv. netfréttabréfi Mercola á nýársdag 2011 hana má lesa í fullri lengd á vefslóðinni: http://articles.mercola.com/sites/articles/archive/2010/05/18/microwave-hazards.aspx

Flokkar:Umhverfið

Flokkar/Töggörbylgja, örbylgjuofn, örbylgjuofnar, geislun, rafeindir, rafmagn, rafsegulsvið