Click on the slide!

Heilsa og hreyfing

Heilbrigð sál í hraustum líkama

Click on the slide!

Kjörlækningar

Fróðleikur og þekking um óhefðbundnar lækningar

Click on the slide!

Skrif Ævars Jóhannessonar

Safn af bestu greinum Ævars frá síðustu áratugum

Click on the slide!

Annað

Öflug blanda af fjölbreyttum fróðleik

Frontpage Slideshow (version 2.0.0) - Copyright © 2006-2008 by JoomlaWorks

Greinar á vefnum eru alfarið á ábyrgð höfunda og þurfa ekki í öllum atriðum að túlka eða samræmast skoðunum ritnefndar- eða stjórnarmeðlima.

Orkusviðsmeðferð (EFT) Skoða sem PDF skjal Prentvæn útgáfa Senda í tölvupóst
Kjörlækningar - Meðferðir
Skrifað af: Einar Hjörleifsson   
Vor 2005

Margar nýjar meðferðir hafa verið að líta dagsins ljós og þróast síðustu áratugi. Árið 2005 var kynnt hér á landi Orkusviðsmeðferð sem er þýðing á EFT eða ,,Energy Field Therapy".

Sá sem færir okkur þennan fróðleik er Einar Hjörleifsson, sálfræðingur. Einar hefur búið í Noregi síðustu og hefur vegna starfs síns lært mörg önnur meðferðarform en sálfræðina eins og t.d. líföndun og höfuðbeina- og spjaldhryggjarjöfnun, til að hann geti betur liðsinnt skjólstæðingum sínum. Í Noregi hefur hann unnið við hefðbundna meðferðar- og greiningarvinnu sálfræðings, samhliða því að vinna sjálfstætt á stofu og stunda venjulegar samtalsmeðferðir.



Fyrir tveimur árum lærði hann Orkusviðsmeðferð hjá norskum sálfræðingum og hefur notað hana í mýmörgum tilvikum síðan. Sem klínískum sálfræðingi finnst honum nánast lygilegt, hve vel gengur að losna um andlegar "stíflur" með þessari meðferð. Stíflur sem jafnvel hafa komið í veg fyrir að viðkomandi gæti lifað góðu lífi. Orkusviðsmeðferð má nota í mjög mörgum tilvikum.

 

Áhrifaríkust er hún í þeim tilvikum, þegar einstaklingur hefur lent í sálarkreppu, sem kemur upp aftur og aftur, tengist neikvæðum hugsunum og tilfinningum og virðist engan endi ætla að taka. Dæmi um það eru andleg viðbrögð við dramatískri reynslu, svo sem slysum, alvarlegum sjúkdómum og eftir að lent er í lífshættu. Einnig hefur náðst mjög góður árangur gegn angist, fælni og þunglyndi. Þeir sálfræðingar, sem beitt hafa þessari meðferðar tækni, telja sig ná árangri í um 70- 80% tilvika. Það er tilvalið að nota þessa aðferð í öðrum tilvikum, svo sem til þess að vinna á stöðugum (krónískum) sársauka og draga úr streitu.


Kom fyrst fram
Þessi meðferðartækni kom fyrst fram í Bandaríkjunum fyrir rúmum 15 árum síðan. Roger Callahan sálfræðingur, vann með skjólstæðing sem þjáðist af vatnshræðslu. Hann hafði reynt alls konar meðferð, svo sem atferlismeðferð, samtalsmeðferð o.fl. án þess að ná tilætluðum árangri. Eftir að hafa kynnt sér kínversk fræði um miðlínupunkta líkamans, bað hann skjólstæðinginn um að banka létt á ákveðinn punkt á andlitinu og viti menn, vatnshræðslan hvarf eins og dögg fyrir sólu. Callahan og aðstoðarmenn hans gerðu nú kerfisbundnar tilraunir með ýmsa punkta á andlitinu og komu sér upp kerfi, sem hafði nánast lygilega góð áhrif á ýmis þrálát vandamál.

 

Bankað er varlega á ákveðna punkta í andliti, og punkta á efri hluta líkamans, einnig á hendur. Skjólstæðingurinn er jafnframt beðinn að hugsa um eða ímynda sér vandamálið. Við bankið er heilinn virkjaður. Þegar um neikvæða hugsun eða tilfinningu er að ræða, sem hefur stíflað orkuflæðið í líkamanum, hverfa eða minnka oft óþægindin, sem eru samfara minningum eða tilfinningum.


Orkusviðsmeðferð (OSM) eða TFT (Thought Field Therapy) eins og þessi aðferð var fyrst kölluð, hefur síðan þróast og ýmsu verið bætt við og kallast hún nú ýmist TFT eða EFT. Síðari aðferðin nefnist Emotion Free Technique eða Energy Field Therapy, allt eftir því hvaða meðferðaraðili á í hlut. Þekkt nöfn í þessu sambandi eru auk Roger Callahans, Fred Gallo og Gary Craig. Fyrir þá sem vilja kynna sér þetta nánar, má fara inná heimasíðu Einars www.phonix-psykologene.

IS

 

Skráning á póstlista


Nafn:

Email:

Find us on Facebook

Leit