Click on the slide!

Næring

Fjölbreytt fæða og fæðubótarefni eru grunnurinn að heilbrigðu líferni

Click on the slide!

Kjörlækningar

Fróðleikur og þekking um óhefðbundnar lækningar

Click on the slide!

Heilsa og hreyfing

Heilbrigð sál í hraustum líkama

Click on the slide!

Skrif Ævars Jóhannessonar

Safn af bestu greinum Ævars frá síðustu áratugum

Click on the slide!

Annað

Öflug blanda af fjölbreyttum fróðleik

Frontpage Slideshow (version 2.0.0) - Copyright © 2006-2008 by JoomlaWorks

Greinar á vefnum eru alfarið á ábyrgð höfunda og þurfa ekki í öllum atriðum að túlka eða samræmast skoðunum ritnefndar- eða stjórnarmeðlima.

Lífsspursmál - Bók um óhefðbundnar lækningar Skoða sem PDF skjal Prentvæn útgáfa Senda í tölvupóst
Annað - Greinar og viðtöl
Skrifað af: Ævar Jóhannesson   
Haust 1997

Nýlega er komin út bók um óhefðbundnar lækningar eftir Einar Þorstein Ásgeirsson.Einari Þorst-eini hefur tekist að safna saman ótrúlega miklu efni, mörgu áhugaverðu, um næstum því allar tegundir óhefðbundinna lækninga sem stundaðar eru á vesturlöndum. Að safna öllu þessu efni saman, raða því upp og velja og hafna hvað á að birta og hvað ekki, hlýtur að vera meiri háttar afrek, sérstaklega ef haft er í huga að Einar Þorsteinn hefur mörg járn í eldinum og að þessi bók er alls ekki það eina sem hann hefur fengist við að undanförnu Höfundi þessa pistils virðist sem efni bókarinnar sé að mestu fengið úr amerískum heimildum, sem í sjálfu sér er eðlilegt, því að langmest af þannig efni er einmitt skrifað í Bandaríkjunum. Hér ætla ég ekki að reyna að gagnrýna eitthvert ákveðið efni eða efnismeðferð. Efni bókarinnar er svo yfirgripsmikið að gera því skil í stuttri tímaritsgrein væri alger fjarstæða.

Hræddur er ég um að æðstu prestum hefðbundinnar læknis fræði falli þessi bók ekki vel í geð og muni gagnrýna ýmislegt í henni, ef þeir á annað borð leggja í að blanda sér í þetta mál, því að Einar Þorsteinn er ekki vanur að láta neinn eiga inni hjá sér ef á hann er deilt. Einar Þorsteinn, sem er einn ötulasti forvígismaður „Heilsufrelsis“, sem er nýtt orð sem búið hefur verið til og táknar hvort tveggja; frelsi til að velja sér heilbrigðisstefnu með (frelsi til að hafa) ótruflaðan aðgang að fæðubótarefnum og félagsskap sem berst fyrir að „heilsufrelsi“ verði raunverulegt hér á Íslandi. Þetta er einmitt eitt af höfuð baráttumálum Heilsuhringsins frá upphafi, sem styður Heilsufrelsi af heilhug. Lífsspursmál er einmitt bók sem kynnir lesendum sínum hvað „heilsufrelsi“ hefur upp á að bjóða.

Höfundi þessa rabbs fannst, eftir að hafa lesið bókina, að sennilega hefði verið betra að hún hefði komið út nokkrum mánuðum seinna og tíminn verið notaður til að laga ritvillur og bæta ýmiskonar orðalag sem sums staðar ber nokkurn keim af enska frumtextanum. Þetta er að vísu oft aðeins smekksatriði en í annars jafn merkilegri bók þarf helst að tryggja að hún verði ekki gagnrýnd fyrir hroðvirknislegan frágang.Þetta er næstum því það eina sem ég sé ástæður til að gagnrýna við þessa annars áhugaverðu bók og ég vona að Einar Þorsteinn, vinur minn, taki það ekki illa upp.Svo hvet ég alla, sem áhuga hafa á óhefðbundnum eða „öðruvísi“ lækningum og heilsufrelsi, til að kaupa þessa bók og lesa.

Bókin sem er 284 síður er seld í öllum heilsuvöruverslunum í landsins og ýmsum bókaverslunum. En einnig má panta hana í gegnum Heilsufrelsi.
Sími og fax: 566 8333,
email: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .
Verð kr. 1.874,-
– Útgef. – Líf eftir fæðingu –.
Fyrir félaga í Heilsuhringnum fæst hún á sérkjörum.

Æ. J.


 

Skráning á póstlista


Nafn:

Email:

Find us on Facebook

Leit